KONSENTRASIEKAMPE

Ons weet huidiglik van 67 Boer Konsentrasiekampe.

Om hierdie lys as ‘n pdf dokument af te laai – klik op die skakel  Boer Konsentrasiekamp Begraafplase Lys

Brandfort Konsentrasiekamp

Standerton Konsentrasiekamp

Al die kampe waar  ‘n Koördinaat verskyn verskyn (laai asseblief die pdf dokument op u rekenaar af), is begraafplase wat ons reeds besoek het, die res van die kampe se begraafplase het ons nog nie besoek nie. Indien enige van die kampe in U omgewing is en U belangstel om die begraafplaas te gaan soek en vir ons die inligting aan te stuur, benodig ons die volgende:

1              Foto’s van die begraafplaas as volg:

• Oorsig foto’s sodat mens ‘n idee kan kry van hoe die begraafplaas uitgelê is en wat die huidige toestand van die begraafplaas is.
• Waar moontlik een foto van elke grafsteen, sodat mens die inskripsie kan lees

Neem asseblief in ag dat foto’s van hoë kwaliteit  groot is en om baie foto’s per epos aan te stuur is nie prakties nie. Indien daar ‘n hele paar grafte is en dit is moontlik kan U ons kontak vir ons posadres en die foto’s op ‘n cd aan ons te pos.

2              Die Koördinaat van die begraafplaas asook die straat adres (of een van die twee indien nie moontlik is vir albei nie) Ons sal dan die koördinate op Google Earth opsoek en aan U ‘n foto stuur ter bevestiging van die presiese plek waar die grafte geleë is. Dit het al gebeur dat ons navorsing gedoen het en dan lyk dit asof die begraafplaas op die hoek van ‘n blok is maar dan as mens dit besoek is dit heeltemal op ‘n ander blok, daarom is die bevestiging van die presiese terrein is vir ons baie belangrik sodat die volgende Volksgenoot wat die begraafplaas wil gaan besoek, die regte inligting kry.

Ons het ‘n idee waar meeste van die begraafplase geleë is maar as ons dit nog nie besoek het nie, kan ons dit nie publiseer nie vir bogenoemde rede.

Wanneer hierdie inligting op die webblad geplaas word sal ons aan U erkenning gee vir die foto’s en inligting, so indien U nie U naam op die webblad geplaas wil hê nie, moet U dit asseblief noem as U die inligting instuur sodat ons aan U wens kan voldoen. Wanneer U bereid is om U naam as kontak persoon op die webblad te plaas, kan U dit ook net vir ons noem, dan kan mense U kontak indien hulle die spesifieke kamp wil besoek, sodat U hulle kan wys waar die kamp of begraafplaas geleë is ens.

Vir enige verdere navrae of inligting kontak ons gerus by info@boervolkerfenisbewaring.co.za